Wat is eerdappels kraab'm?

 

Zere knei'n, stieve bain'n,
Lamme rogge, geld verdain'n.
Twei panden veur, aal mor deur,
Nait op hak'n zit'n, gain gezeur.
Gloei'nde zunne, zwait'n as'n peerd,
zaand in 'doog'n, niks aans leerd.
 
Nait achterom kiek'n, doar zit'n ze nait,
griep mor tou, zai biet'n die nait.
'T loof oafscheurn, hand'n onder zorre,
arregat, 'k greep op n'porre.
Nadde kröze, straks mor schoel'n,
modder boudel, woater in de koel'n.
 
Dreie in de kore - twei korv'n d'r boven op,
en mor krood'n, bie döbe bist dood op.
Lange aarms, grode oog'n,
Rögge krom geboog'n.
'T haaile haarfst deur schraab'm,
dat is eerdappels kraab'm.
 
 
 

Terug naar: Met een knipoog